শৈলেন চাকমা
নু-অ গুরি ফাউনো আভা ফিরিবো;
গাভুজ্যা মন-য়ান মর রঙ সিদেবো!
'জুম্মবী' লগে সাজিবোং রাধামন -ধনপুদি;
তুজিমপুর-অ কোচপানা গোজেম তরে এক আজুলী।
ও রাঙা দা অনি ফাউন এ্যাচ্চেদে?
যেই না দাদা 'ননা আজু' পুরোন জুম-অ রান্যাত ;
শিমেই 'ফুল' তোগা যেই,
মুই ন-অ পারিম, পরানে যিয়ান হয় সিয়ান।
সেক্যা জুম্মবী হানের ঘর-অ হোনাত গুজুরী গুজুরী;
ন-অ হানিজ! ইন্দি চাদে তরে হি আনি দোং, দওঙ!
হি?
চানা! তরে চুমবাজ ফুলো মালা গাদি আনি দোং,
আহ্ পরান দা তর মুয়োত হি যাদু আগে নাহি?
আহি?
অলর গরি থেই ন-অ পাল্লুং দহ্ মর মনান, গলি পোজ্যা তর মিধে সুরোত।
তুই হি বেজার পেওজ দওঙ?
চাগি চাংগে সি তর মন-অ গারোঃ য়ান,
আহ্ দা সিক্কে চাগি ন-অ চেনেই হনা!
মর মন-য়ান ফাউনোত রঙ সিত্যা!
No comments:
Post a Comment