ছবিঃফেসবুক থেকে সংগৃহীত
- --শৈলেন চাকমা
জীংকানী পদে পদে
দুগো ঘাম ঝরে বাগে বাগে
এই পদ আদি যানা শেষ অবহ,
এক দিন আদানার টেং'অ হুজে।
জীংকানী হুদু পরি আগে
মুজুঙে লাঙেল'অ পদ সবনে দাগে
এক দিন আঙি যেবহ্ আমা দুগো ঘামানি
বিজগর পাদাত লিঘি থেবহ্ নাঙানি।
রেদো আন্দারত তারুমো সেরে সেরে
আদিবোঙ টেং'অ হুজ পেলেই সমারে
শুনেবঙ সবন'অত সাজেয়ে জীংহানী কধানি
লো ঘামে ভিজিবো তুগুনোর ভুয়ানি
দুগো ঘাম ঝড়ি পহন চোগোত পানি ফুদো তেবেবো
এই পদ আদি যানা শেষ অবহ্,
এক দিন আদানার টেং'অ হুজে।
মনোবী সাজেবোঙ হিলো বুগোত দোল জীংকানী
এই লাঙেল'অ পদত ধুজ ন'অ হেজ মাদা নিগুরী
দুগো ঘামে ভিজি যার সিলুম হেয়্যানি
ত'অ মন'অ হদানি তুবেয়োঙ মন'অ গাঙ'অ গদা বানি
ত'অ হায় ফিরানা ন'অবহ্ যাদি
লো ঝড়ে ভিজি যেবহ্ শুগুনো হের'অ মাদি
এই পদ আদি যানা শেষ অবহ্,
এক দিন আদানার টেং'অ হুজে।
No comments:
Post a Comment